San Salvador de Bastavales, Brión

Para outras páxinas con títulos homónimos véxase: Bastavales.

San Salvador de Bastavales
Igrexa de San Salvador de Bastavales.
Concello	Brión
Provincia	A Coruña
Coordenadas	42°50′03″N 8°39′48″O
Área	2,2 km²
Poboación	239 hab. (2018)
Densidade	108,64 hab./km²
Entidades de poboación	5
[ editar datos en Wikidata ]

San Salvador de Bastavales é unha parroquia que se localiza no sueste do concello coruñés de Brión na comarca de Santiago. Segundo o IGE en 2018 tiña 239 habitantes (124 mulleres e 115 homes) distribuídos en 5 entidades de poboación, o que supón un aumento en relación ao ano 1999 cando tiña 242 habitantes.

Historia

No lugar de Cirro descubriuse na década de 1960 unha vila romana. Atopáronse restos do hypocaustum (forma de calefacción) con pavimentos de baldosas de barro vermellas e o comezo das pilastras de ladrillo cadrado.

No ano 1851 San Salvador de Bastavales deixou de existir como parroquia, sendo repartida entre San Xulián de Bastavales (os lugares de Soutullos e San Salvador) e Santa María dos Ánxeles (o resto dos lugares).

No ano 1908 xa existía o Centro Social, Agrícola e Pecuario de Bastavales. En 1933 constituíuse o Sindicato Republicano agrícola e pecuario de San Xulián e San Salvador de Bastavales, que tiña sede propia no lugar de Soutullos. O edifico foi restaurado recentemente polo concello.

Galería de imaxes

• 
  Igrexa de San Salvador de Bastavales.
• 
  Cruceiro.
• 
  Estrada no val de Bastavales.
• 
  Bolboreta.

Lugares e parroquias

Lugares de San Salvador de Bastavales

Lugares da parroquia de San Salvador de Bastavales no concello de Brión (A Coruña)
Cirro | Gándara | Reboredo Pequeno | San Salvador | Soutullos

Véxase tamén

Outros artigos

• Lugares de Brión

Ligazóns externas

• San Salvador de Bastavales na web do concello de BriónArquivado 25 de decembro de 2013 en Wayback Machine.